Ikerketa lanen zabalkundea

Hautapen-irizpideak eta argitalpen-arauak

Gaiaren aldetik inolako mugarik jarri nahi ez dugunez, gai desberdinei buruzko azterlanek aurkituko dute laku Atal honetan; esaterako, historiakoek, antropologikoek, medikuntzakoek, soziologikoek, genealogiakoek, etab., betiere ondoren azalduko ditugun Irizpideetara egokitzen direlarik:

• Ezinbestekoa izango da, lan hauek gure zainpean dauden dokumentu-fondoez baliatuz prestatuak izatea, edota Elizaren Artxiboekin zerikusia izatea.
• Kontuan hartuko dira gizartearentzat duen interesa eta kristau-balioak aintzat hartzea.

Gainera, gune honetan argitara eman ahal izateko, testuek honako Argitalpen Arauak bete beharko dituzte:

1. Lanen burualdean, honako hauek adierazi beharko dira: Izenburua, Egilea, eta Helbideren bat –elektronikoa nahiz posta bidezkoa-, Artxiboaren eta ikertzailearen arteko harremana errazteko.
2. Berebat, gehienez 300 hitz izango dituen laburpena prestatu beharko da. Laburpena euskaraz, gaztelaniaz eta/edo frantsesez izatea gomendatzen dugu.
3. Aipaturikoaz gain, ikerlanaren gaiari buruzko gehienez ere bost deskribatzaile edo giltza-hitz sartuko dira.
4. Gaur-gaurkoz, euskaraz, gaztelaniaz, frantsesez edo hiru hizkuntza hauek erabiliz eginiko testuak bakarrik argitaratuko ditugu.
5. Ez da onartuko 12.000 hitz baino gehiagoko ikerlanik, orri-oineko oharrak barne.
6. Testuak eta irudiak euskarri elektronikoan igorri beharko dira (disketean edo CDn); testuak wordedo html formatuan; irudiak, berriz, jpg formatuan.

Idazlan bat jasotzeak ez du, besterik gabe, esan nahi argitaratzeko onartzen denik. Batzorde bat eratuko da lan bakoitza balioztatu eta, argitaratu ala ez erabakiko duena. Erabakia anonimoa izango da, eta gure aldetik ez dugu Batzordeak hartutako erabakiei edo jarraitutako irizpideei buruz inolako justifikaziorik eman beharrik izango.

Artxibo hau ez da Atal honetan azaltzen diren iritzien erantzule egiten.

Egile bakoitza da Atal honetan argitara emandako azterlanen jabea, eta, ondorioz, ezin izango da, berariazko baimenik gabe, beste hedabideetan lan horien edukia erabat nahiz hein batean argitara eman edo beste xede batzuetarako erabili.

Web orri honetan argitaraturiko informazioak, egilearen berariazko baimenarekin, erabiliz gero, Atal honen aipamena egin beharko da jatorrizko iturri gisa.

Edonola ere, web orri honetan argitara emandako azterlan guztiek jabetza intelektualaren legeak bete beharko dituzte eta copyright-a daukaten lanek, hau ere txertatu beharko dute.