Indexaketa araudia
Donostia / San Sebastián, 1996, martxoa, 1
José Ángel Garro Muxika. Elizbarrutiko Artxibozain Nagusia
Sakramentu-aurkibide informatizatuak egitean transkribaketa nahiz hustuketa irizpideak arautzea beharrezkoa da.
Jardunbide honetan izen-abizenen idazkera edo grafiari errespetu fidela eta ulergarritasun printzipioa, gaur egun garai batean idatzitako datuena, uztartu behar izan ditugu (laburdurak osatzea, zeinu grafikoen aldakortasuna, okerrak, e.a.)
Sakramentu-erregistroen aurkibideak egiteko ondorengo irizpideak hartu ditugu:
- Izen-abizenen inskripzioak berez agertzen den grafian hartuko dira, hots, partidan bertan ageri diren moduan (Josseph, Vrsula, Ybargven, Christobal,e.a.).
- Udalerri eta herriak gaur egun ofizialki duten izenen arabera hartuko dira (Villafranca de Oria Ordizia izanik, Cegama Zegama izanik). Atzerriko toponimoak agertuko balira gaztelera ofizialean idatziko lirateke (Adib.: Burdeos, Londres, e.a.) eta, jakin ezean, azaltzen den bezala utziko da.
- Laburdurak dokumentuan zehar ageri den grafia bera mantenduz osatuko dira. Zalantzan jartzeko modukoren bat azalduko balitz, dituen letra guztiak idatziko dira,
ondoren puntua jarriz.
- Datuak partidan -sakramentu-erregistroaren testuan- jartzen duenetik aterako ditugu eta inola ere ez idazpenetik (“asiento”) -testuaren alboan jartzen den adierazpena-.
- Azterketa sakon baten ondoren, patronimikoak (Martinez, Lopez, Ruiz, Saez, Arano, Ochoa, e.a.) XIX. mendera artekoak “Izena” eremuan kokatuko dira eta une horretatik aurrera “Abizena” eremuan.
- 11 urtetik beherako haurrak eta epez kanpo partidan honela ageri direnak, umetzat (“párvulos”) joko ditugu.
- Daturik falta edota berau irakurkaitza balitz, dagokion eremuan gidoiak agertuko dira eta “Oharrak” eremuan azalduko dugu arrazoia. (Aitaren abizena ezin da irakurri, Data osatugabea, e.a.).
- Inskripzioan idatzitakoa zalantzarik gabe okerra dela ikusiz gero, forma zuzena jasoko da eta “Oharrak” eremuan aldaketaren berri emango da.
- Ezabaturik edo anulaturik daudela eman baina zalantzan jar daitekeen edozein partida ontzat hartuko da eta “Oharrak” eremuan azaltzen duen berezitasuna idatziko da; benetan baliogabeturik dagoela jakinez gero bakarrik utziko da alde batera.
- Izen berezien datuak baino ez dira hartuko; ez, orde, -ren alargun, -ren senar, -ren emazte, ezkongabe, ogibide, izengoiti, hilobi, baserri/etxe izen, eskribau izen, apaiz izen, kanpai jotze, jaiotegun, fundaketari buruzko datuak,... indexatzaileak hartzeko modukoa dela uste ez badu behintzat.
- Parrokiaz kanpo emandako ziurtagiri eta bestelako igorpenak gainontzekoen moduan hartuko da, “Oharrak” eremuan zer diren zehaztuz.
